http://blog.unijimpe.net/rss http://www.etakitto.com ..Etakitto! berriak es nerea@dnsti.com nerea@dnsti.com http://www.dnsti.com/etakitto/index.php#berria844Urtarrileko 109. aleaz geroztik, TXIKITTO!-k aro berriari ekin dio: paperari agur esan eta aurrerantzean on-line, interneten baino ez da argitaratuko. Beraz, aurrerantzean sarera jo beharko da bertan azaltzen diren denborapasa, txiste, ipuin, elkarrizketa eta berriak irakurri ahal izateko. Hala ere, edonork jaitsi dezake aldizkariaren PDFa bere ordenagailura eta nahi izanez gero, paperean inprimatu. Eta hori nola egin? Ba oso modu errezean. Hilean behin www.etakitto.com webgunearen azalean egongo da TXIKITTO (bestela ere, webgunean TXIKITTO izeneko atal bat dago eta hor ere egongo da eskuragai, aurreko aleekin batera). Horrez gain, www.eibar.net Udalaren webgunean eta http://eibarko-euskara.com helbidean zintzilikatuko da. http://www.dnsti.com/etakitto/index.php#berria843Bihar (zapatua, otsailak 6) aterako dira Kezka dantza taldekoak koko-dantzan eta koko-eskean. Aurreko urteetan Arrate-balle, Gorosta eta Mandiola auzoetako baserriak bisitatu dituzte eta aurten, berriz, Mandiola osatzeko falta zaizkien 4 baserri eta Agina aldekoak bisitatuko dituzte.
Kezka-tik adierazitakoaren arabera, “koko-dantzariek makila-dantza egiten dute baserri bakoitzaren aurrean, eta mamarruek saria pasako dute baserritarren opariak jasotzeko. Burburixuen zaratak, masusten korrika saioak, aixerixak, hartza, Batista kojua eta Arraguetako Ama Birjina, eta beste hainbat koko-mozorrok osatutako konpartsak egun osoa pasako du baserriz baserri dantzan, kantuan eta eskean Jainaga, Laskurain eta Narbaiza trikitilari eta dultzaineroekin. Arratsaldean, 19.00etatik aurrera Eibarko erdiguneko kaleetan ibiliko da konpartsa osoa, Mauxitxa txarangak lagunduta”.

Merkatu plazatik baserrietara
Ohi bezala, merkatu plazan egingo dute lehen agerraldia koko-dantzen konpartsakoek, goizeko 08:30ak aldera. Ondoren, Amañatik gora Sosola, Sosolabarri, Aritxuluetabarri eta Aritxuluetara igoko dira. Horren ondotik, Mandiola atzean laga eta Agina aldera joko dute, eta Ixuatik jaisten eskuin eta ezker dauden baserrietara hurbilduko dira: Altzerreka, Zumaran, Mendibil, San Roman, Larrañeta, Iterixa, Aboagaazpikoa, Aboagainekoa, Suinagatxo, Suinaga, Gorostiaga, Arizpe, Atxekoa, Orbesoaren eta Aginaga bertan dagoen Aginagainekoa. Hortik gora segi eta Oregizahar, Arandobarrena, Arandoguena eta Arandoetxebarrirekin amaituko dute baserrietako ibilbidea.

Koko-festa kalean
Baserrietan amaituta, iluntzean, 19.00etan anbulategiko parkean elkartuko dira “koko-konpartsa eta koko-festan parte hartu nahi duten guztiak, eta Mauxitxa txarangaren doinura erdiko kaleetan ibiliko gara. Ekitaldi irekia da hau eta nahi duten guztiak daude gonbidatuta, koko-jantzi eta festan gurekin batera parte hartzera”.

Internet bidez jarraitzeko aukera
Horrez gain, aurten teknologia berriek eskaintzen dituzten aukerez baliatuko dira, nahi duen guztiak internet bidez koko-eskea zuzenean jarraitzeko modua izateko. Kezka-koek diotenez, “baserri-bideak malkartsuak eta estuak dira inguru hauetan, eta ez da erraza izaten zuzenean ikustera joatea. Baina aurten esperimentu txiki bat egingo dugu, koko-dantzak zuzenean erretransmititzeko. SMS, Twitter, Coveritlive eta horrelakoak erabiliz koko-eskea nondik nora dabilen, komentarioren bat eta argazkiren bat ere sareratzen joango gara. Kobertura aldetik itzal asko dituen parajea da, eta bat festan dabilenean ez da asko akordatzen beste ezertaz, baina konpartsan datozen pare bat geek-ek mugikorrak dantzan jarriko dituzte, eta ea zer ateratzen den”.
Beraz, goizeko 08:30etatik aurrera Kezka-ren blogean koko-eskearen berri izateko aukera eskainiko dute. Horrez gain, dantza taldearen Twitter-ean eta Facebook-ean ere agertuko dira bidaltzen dituzten mezuak, “baina egokiena blogean bertan ikusiko da, Coveritlive tresnari esker. Norbaitek zerbait idatzi nahi izanez gero bertan aukera izango du, baina login egiteko Twitter, Myspace edo Facebook-eko nick-a erabili beharko du”.

Koko-dantzak 2010
08:30.- Merkatu plazan lehen agerraldia
09:00 - 18:00.- Koko-dantzak eta koko-eskea Agina aldeko baserrietan.
19:00-21:00.- Toribio Etxebarria, Untzaga eta Calbeton kaleetan koko-dantzak, Mauxitxarekin.




http://www.dnsti.com/etakitto/index.php#berria842Joseba Zinkunegi eta Mikel Garaiondo, Batasunaren kontrako operazioan 2008ko otsailean atxilotutako eibartarrak libre lagako dituztela eman du aditzera gaur (barixakua, hilak 5) arratsaldean Amnistiaren Aldeko Mugimenduak, beste hainbat lagunekin batera. Auzitegi Nazionalak lagun bakoitzari 50.000 euroko bermea ipini dio eta denei “jardunbide politikoa izatea” debekatu die. Informazio gehiagorako, hemen klikatu.
http://www.dnsti.com/etakitto/index.php#berria841Asteburu honetan honako pelikulak ikusteko aukera izango da Coliseoan: Sherlock Holmes, Celda 211 eta Tiana y el sapo. Erantsitako dokumentuan egun bakoitzean emango duten filma, ordutegia eta aretoa kontsultatu daitezke.
Horrez gain, Amañako Kultur Aretoan Dos canguros muy maduros emango dute domekan 17.00etan (sarrera 2’80 euro).
http://www.dnsti.com/etakitto/index.php#berria840Montekasino tabernak egitarau kulturala prestatu du otsailerako. Egitarauari begiratuz gero, hiru egunetan (eguaztenetan) GNU/Linux ikastaroa eskainiko dute; Shane Meadows zuzendariaren This is England filma ere emango dute, “skinhead mugimenduaren hastapenak apur bat gehiago” ezagutzera emateko asmoarekin; Zinema Arroxa ziklo iraunkorraren barruan, berriz, Roberto Caston zinemagilearen Ander filma emango dute; eta programazioa biribiltzeko, DjAmsia-k kontzertua emango du. Jarraian egitarauaren inguruko informazio zehatzagoa irakur dezakezue:

GNU/Linux ikastaroa:
Otsailak 10, eguaztena: 19.00etan “Zer da GNU/Linux sistema operatiboa?" izenburuko hitzaldia.
Otsailak 17, eguaztena: 18.30etan GNU/Linux sistemak instalatzea. Izena emailez eman eta ekarri zure ordenagailua.
Otsailak 24, eguaztena: 18.30etan GNU/Linux sistema erabiltzen hasi.

Bideo emanaldia:
Otsailak 14, domeka: 19.00etan "This is England" filmaren proiekzioa.

Zinema Arroxa:
Otsailak 21, domeka: 19.00etan "Ander" filmaren proiekzioa.

Kontzertua
Otsailak 28, domeka: DjAmsia-ren kontzertua.
http://www.dnsti.com/etakitto/index.php#berria839Ego Ibarra batzordeak aspaldi, 1995ean egin zuen ikerketa baten emaitza interneten eskuragarri ipini berri dute, Ego Ibarra batzordearen webgunean: armagintzan erabilitako tresneria edo erremintak jasotzen duen zerrenda, bakoitzaren argazkiarekin eta erreminta bakoitzaren erabileraren inguruko azalpenerekin.
Batzordeko arduradunen berbetan, “ikerketa hori berraztertu eta eguneratu egin da, herriko armaginen aholkuei esker. Bere sasoian katalogoa egin zen eta argazkiak atera ziren horretarako Eibarko tailer asko eta asko bisitatuta (Pedro Arrizabalaga, Vicente Alberdi, Armas Maguregui, Armas Eibar, Pedro Irusta, Villena, County, Parkemy, R. Fernández, Eugenio Gutierrez, Mazorriaga, Zubillaga...). Orain, orduan ateratako argazki guztiak digitalizatu egin dira eta erreminta bakoitza zertarako den zehazten ahalegindu gara, armaginek esandakoa eta bibliografia batuta”. Informazio guztia armagintzaren inguruko atalean, Utillajea izeneko sailean kontsultatu daiteke.
http://www.dnsti.com/etakitto/index.php#berria837Barixaku arratsaldean, 19.00etan zabaldu zuen margo erakusketa Javier Areitioaurtena Izagirrek Topalekuan, Arrate Kultur Elkartearen erakusketa aretoan. Otsailaren 7ra arte zabalik egongo den erakusketa ohiko ordutegian bisitatzeko aukera dago: asteburuan, 12.00etatik 14.00etara eta 19.00etatik 21.00etara eta astegunetan 19.00etatik 21.00etara.
http://www.dnsti.com/etakitto/index.php#berria836Eguaztenean San Blas eguna ospatuko dugu gurean eta, ohiturari jarraituta, askok opilak bedeinkatzera eramango dituzte horretarako antolatzen dituzten meza berezietara. San Andres elizan meza bi ospatuko dituzte horretarako, 09.00etan lehenengoa eta 11.00etan bigarrena.
http://www.dnsti.com/etakitto/index.php#berria835Arrate Kultur Elkarteak XIII. Eguen Zuri argazki lehiaketa antolatu du. Aurtengoa 13. edizioa izango da eta, betiko moduan, aratosteen inguruko argazkiekin parte hartzeko aukera izango da. Lehiaketa irekia da eta edozein zaletuk har dezake parte. Bakoitzak lau argazki aurkez ditzake, gehien jota, nahi duen tamainan eta koloretan zein zuri-beltzean bidalitakoak onartuko dituzte. Hori bai, 20 x 30 zentimetroko euskarri edo passpartout-ean aurkeztu behar dira denak. Lanak aurkezteko azken eguna otsailaren 23a izango da eta Arrate Kultur Elkartearen bulegoan zein tabernan jasoko dituzte. Argazki onenarentzat 160 euroko saria egongo da eta bigarrenak, berriz, 100 euro jasoko ditu. Informazio gehiagorako 943 202299 telefono zenbakira deitu daiteke edo arrate.kultu@eibar.org helbidera idatzi.
Bestalde, aratosteetan dotoreen jarriatako taberna aukeratzeko lehiaketa antolatu du Udalak. Lehiaketan parte hartzeko otsailaren 11rako izena eman beharko dute interesatuek, Pegora hiritarren zerbitzurako bulegora joanda. Epaimahaiko kideak hurrengo egunean, Eguen Zurian (otsailak 12) joango dira izena eman duten tabernak nola apaindu dituzten ikustera, ondoren aurtengo irabazlea zein izan den aukeratzeko.
http://www.dnsti.com/etakitto/index.php#berria834Aurretik egindakoaren arrakasta ikusita, otsailerako beste gozogintza ikastaro bat antolatu du …eta kitto! Euskara Elkarteak. Hiru egunetan (otsailaren 18an eta 25ean eta martxoaren 4an) izango dira klaseak, Portaleko sukaldean, 18.30etatik 20.30etara. Izena emateko epea astelehenean, otsailaren 1ean zabalduko da eta otsailaren 12ra arte egongo da horretarako aukera, …eta kitto! Euskara Elkartean (Urkizu, 11 solairuartea, 943200918 telefono zenbakia). Antolatzaileek azaldutakoaren arabera, izena emateko orduan Berbetan programako partaideei eta euskara elkarteko bazkideei deskontua egingo zaiehttp://www.dnsti.com/etakitto/index.php#berria833Gaur hasi eta astelehena bitartean honako hiru pelikulak emango dituzte Coliseoan: "Rompedientes" (Zuz: Michael Lembeck), "Nine" (Zuz: Rob Marshall) eta "Sherlock Holmes" (Zuz: Guy Ritchie). Filme bakoitza zein ordutan eta zein aretotan ikusteko, albistearen azpian erantsitako dokumentuaren gainean klikatu eta jaitsi.http://www.dnsti.com/etakitto/index.php#berria832Eibarko Antzerki Jardunaldien 33. edizioa gaur bertan (barixakua, hilak 29) aurkeztu dute udaletxeko pleno aretoan. Bertan izan dira Hezkuntza Esparruko ordezkariak zein udal, Foru Aldundi zein Eusko Jaurlaritzako kultur arduradunak. Otsailaren 10ean abiatuko diren Jardunaldietan berriz ere orotariko lanak ikusteko aukera izango da, Coliseo antzokian zein Hezkuntza Esparruko aretoan. Programazio osoa erantsitako dokumentuari klikatuta jaisteko aukera daukazue. Sarreren aurresalmenta otsailaren 6an, 7an, 8an eta 13an egingo dute, Coliseoan (sarrera), 10.00etatik 16.00etara. Horrez gain, funtzio bakoitza amaitu ondoren, hurrengo egunetan eskainiko diren antzezlanetarako sarrerak erosteko aukera izango da eta funtzio egunean bertan, egun horretako ikuskizunerako sarrerak lehiatilan erosteko moduan izango dira, ordubete aurretik. Deskontuak eta bestelakoak aplikatu ahal izateko, horretarako eskubidea ematen duten agiri edo karnetak aurkeztu beharko dira.http://www.dnsti.com/etakitto/index.php#berria830Gaur goizean (eguaztenea, hilak 27) udaltzainak Tallarra gaztetxera joan dira, bertan daudenak ateratzeko asmoarekin. Gaur eguerdian bertan, Urkizun egindako asanbladan, gaztetxeko jendeak egoeraren berri eman du: "Udalak uda partean eman zigun aditzera gaztetxeko eraikina botatzeko asmoa zuela, han inguruan bide berria egiteko beharren ondorioz. Beharrak irailean hastea zegoen aurreikusita, baina gaur arte inork ez digu ganorazko azalpenik eman".
Asua Errekako eraikinean jendeak bizitzen diharduela azaldu eta gaur goizean bertaratu diren udaltzainak "eraikina hustutzeko agindu barik" agertu direla gaineratu dute. Egoera honen aurrean, datozen egunotan gaztetxe barruan jendea txandakatzen egongo dela agertu dute. Gaur 18.30etan beste asanblada informatibo bat egingo da Urkizun eta barixakuan, presoen aldeko elkarretaratzearen ondoren, 19.20ak aldera manifestazioa egiteko asmoa dute.http://www.dnsti.com/etakitto/index.php#berria829Asteburu honetan Kontzertua burutuko da Eibarko Zapatuan, hilaren 30ean, kontzertua egongo da Tallarra Gaztetxean. Talde bik jardungo dute, 22.30etatik aurrera: Soraluzeko Klavo Oxidado taldekoek bigarren diskoa aurkeztuzko dute eta, eurekin batera, Donostialdeko Plan B taldekoek jardungo dute.
Bestalde Tallarra gaztetxekoek martxorako VIII. urteurrena prestatzen hasi direla eman dute aditzera, gaztetxea botatzeko dagoen asmoari aurre eginez.http://www.dnsti.com/etakitto/index.php#berria828Otsailaren 5ean, 20.30etan, Elkano Browning Cream taldearen emanaldia hartuko du Coliseo antzokiak. Mikel Azpiroz musikari donostiarrak Franck Mantegari eta Matt Harding-ekin batera osatzen duten hirukoteak jazz-groove estiloko musika jorratzen dute eta sarrerak 7 eurotan ipini dituzte salgai, aurretik (ohiko bideei jarraituta) zein egunean bertan, Coliseoko lehiatilan. Taldeari buruzko informazio gehiago irakurtzeko, erantsitako dokumentua jaitsi daiteke. Myspace-n taldeari buruzkoak ikusteko, berriz, hemen klikatu. http://www.dnsti.com/etakitto/index.php#berria827Buruko gaixotasunen gainean liburua idatzi zuen Andres Arriaga psikologo eibartarrak, ‘Enfermedades mentales. Guía para todos los públicos’, eta horren eta bestelako gaien gainean arituko da Portalean urtarrilaren 28an 19.00etatik aurrera. Gaixotasun mentalen gainean informatzera dator herrira bueltan Arriaga.

-Liburuaren tituluak zehazten du publiko guztiari zuzenduta dagoela, baina ez da erraza izango denek printzipioz hain gai teknikoak direnak ulertzea?
Liburua saiatzen da zeini zuzenduta dagoen ez ahazten, eta iruditu zitzaidan teknizismoak gutxitzea ahalik eta pertsona gehienei heltzeko modurik onena zela. Hori bai, badago sarrera-kapitulu bat non jarraian datozen atalak ulerterrazagoak egiteko hainbat berba azaltzen dituena.
-Buruko zein gaixotasun jorratzen duzu liburuan?
Tentuaren gaineko ondoezak (depresioa, nahaste bipolarra), gertakari eta fobien ondoez neurotiko sekundarioak (antsietate orokorrak, ikara arazoak, gizarte fobiak), elikadura jardueren arazoak (anorexia eta bulimia), alkohola eta beste drogen erabileraren ondorioz sortutako arazoak, ondoez psikotikoak (eskizofrenia), izaera arazoak (psikopatia, narkisismoa…), haurtzaroko arazo mental klasikoak, eta inpultsuen eta sexualitatearen kontrolaren arazoak helduengan (piromania, ludopatia, parafilia sexualak…).
-Gaixotasun hauek nola tratatu ere jorratzen duzu liburuan?
Ez, deskripzio-liburua da. Gaixotasunen gaineko deskripzioa egitetik hastea oinarrizkoa dela deritzot, baina liburu berri posible batentzako ideia eman didazu.
-Zein da liburuaren helburua? Zergatik idatzi duzu?
Irakurtzen duen horren jarrera aldatzen laguntzea eta publiko guztiari zuzentzea da helburua. Jarrera jokabidearen aurreko pausoa da eta ikusten badugu gure jokabideak ez direla guztiz ‘maitagarriak’ errealitatearekiko (gaixotasun mentala, adibidez), interesgarria litzateke jarrerak aldatzea beste batek informazio zuhurra eman digulako. Aho-korapilo bat ematen du, baina irakurleari informazioa ematen saiatzen naiz honek onena uste duena egiteko eta irakurri duena ez dela alferrikakoa izan sentitzeko. Inguruko pertsonek psikopatologiaren gaineko terminoak nahasten zituztela sentitzen nuelako, hedabideek gaixotasun mentalen gainean informatzerako orduan akats kontzeptualak egiten zituztelako, eta besteen portaera inongo irizpide eta epaiketa ahalmen barik epaitzen duen jendea dagoela somatu dudalako idatzi dut batipat. Mesprezu eta aurreiritzien sustraia desinformazioa da, ezjakintasuna. Ezjakintasunaren aurka, informazioa.
-Jendea behar den bezala eta behar denean joaten da profesionalengana?
Uste dut gero eta erabilpen egokiagoa egiten dela, baina leku askotatik esplika daitezkeen ohitura txarren herentzia herrestan daramagu (erlijioa, gizarte-presioa, zer esango duten hori…). Osasu mentalaren profesional batengana jotea kardiologo edo fisioterapeuta batengana jotea bezain aipagarria izan beharko litzateke. Bide onean goaz, zorionez.
-Aurreiritzi asko dago gaixotasun mentalen gainean?
Asko. Gutxien azaldutako eta beldur gehien sortzen duten gaixotasun taldea da, ezezagunak direlako.
-Uste duzu jendeak badakiela zertaz berba egiten duen gaixotasun mentalen gainean ari denean?
Esaldi zuzenagoak entzuten dira gutxika, akats murritzagokoak. Hala ere, akats asko egiten dira. Ez dago argi estres eta antsietatearen arteko ezberdintasuna edo arazo bipolar eta umore aldaketa bortitz baten artekoa. Ehundaka berba txarto esaten dira eta astakeria handiak entzuten dira.
-Zeintzuk dira, gaur egun, buruko gaixotasun ohikoenak?
Antsietate eta depresioaren gainekoak seguraski. Ikara arazo eta antsietate orokorraren kasu asko diagnostikatzen dira, eta depresioa gurea bezalako herrialdeetan laneko bajen bigarren kausa nagusia bihurtu da. Izugarria da gaixotasun bi hauen sintomak leuntzeko psikofarmakoetan gastatzen den diru bolumena. Dena den, beti galdetzen diot neure buruari ea orain gaixotasun gehiago dagoen edo orain, hauen gainean ezagutza gehiago egotean, gehiago dakien jendeak.
-Badago ‘modan’ dagoen buru-gaixotasunik?
Sasoien arabera beti dago ‘modan’ gaixotasunen bat. Egia da azken aldian umeen hiperaktibitate arazoa gaindiagnostikatu egiten dela.
-Hilaren 28an hitzaldia eskainiko duzu Portalean. Liburua soilik jorratuko duzu edo haratago joango zara?
Haratago joango naiz jendeak interesa erakutsi eta galderak egiten dituen heinean. Horrela izatea gustatuko litzaidake. Duela gutxi diseinu-drogen ondorioei buruz berba egiten amaitu nuen ordu bi baino gehiagoz.
-Denbora dezente daramazu Eibartik kanpo. Berezia izango da zuretzat hitzaldi hau?
1990ko irailean joan nintzen Eibartik, ia 20 urte! Bai, oso berezia, oso urduri nago ez nagoelako familia, lagun edo hainbeste urtetan ikusi ez dudan jendearen aurrean berba egitera ohituta.
http://www.dnsti.com/etakitto/index.php#berria826Greba mugagabea dihardu garatzen ABC (Arizaga, Bastarrica y Cía) lantegiak, beharginen batzordeak urtarrilaren 7an egindako bileran hala erabakita eta “lanpostuei eutsiko zaiela bermatzeko helburu bakarrarekin”. Hala ere, astelehen honetan bertan enpresaren erantzuna jaso dute, “7 lankide kalera bota dituzte, inolako irizpiderik gabe, eta greba-deialdia bertan behera ez lagatzekotan jende gehiago kaleratuko dutela mehatxatuta”.

7 lagun kalera
Horren aurrean, hilaren 13an beharginen batzordeak beste bilera bat egin eta greba deialdia berretsi egin zuen, honako helburuak finkatuta: kaleratutako beharginak berriz ere onartzea, lanpostuei eustea, erregulazio espedientea atzera botatzea eta aurrejubilazioak aurrera eramatea (69 urteko beharginak lanean dihardue). Egoera horren aurrean, grebarekin bat egitea erabaki duten hainbat langile Azitaingo industrialdean, enpresa parean akanpatuta daude. Biharko, berriz, manifestazioa deitu dute, 12.00etarako, Untzagatik hasita. Bestalde, Ezker Batua-Aralar koalizioak idatziz adierazi du beharginekiko elkartasuna eta herritar guztiei biharko manifestazioan parte hartzeko dei egin nahi die.
http://www.dnsti.com/etakitto/index.php#berria825Gaur (barixakua, hilak 22), bihar eta etzi honako pelikulak emango dituzte Coliseo antzokian: Rompedientes, La Herencia Valdemar eta ¿Qué fue de los Morgan?. Pelikula bakoitza zein aretotan eta zein ordutan emango duten jakiteko, Ego Ibarra batzordearen webgunera jo daiteke, albisteetara, edo hemen klikatu.
http://www.dnsti.com/etakitto/index.php#berria824Eibarko Udalbusak zerbitzu hobea dihardu eskaintzen astelehenaz geroztik, Eusko Trenek eta Udalak joan den abenduaren 18an sinatu zuten akordioak jasotakoari jarraituz. Horren arabera, Euskotrenek kudeatuko du Udalbus zerbitzua gure herrian eta, trukean, 157.575,17 euroko laguntza emango dio Udalak garraio enpresari. Zerbitzu horretarako kontzesioak 10 urteko iraupena izango du eta, hitzarmenean jasotakoaren arabera, Udalbusak eskaintzen dituen zerbitzuak berritu eta osotu egin dira. Ordutegi zehatzak, ibilbideak eta geltokiak zeintzuk diren jasotzeko 902543210 telefono zenbakira deitu daiteke edo, bestela, interneten www.euskotren.es webgunera jo.
http://www.dnsti.com/etakitto/index.php#berria8232010eko urtarrileko matrikulazioa zabalik dago Haurreskoletan: eskaerak aurkezteko epea urtarrilaren 18tik 29ra arte egongo da zabalik. Hortik aurrera, haurrak izena emateko eta onartzeko honako egutegiari jarraituko diote: urtarrilaren 29an bertan edo otsailaren 1ean izena emateko orriak eta dokumentazioa Haurreskolak Partzuergora bidaliko da. Behin-behineko zerrendak, berriz, otsailaren 16an argitaratuko dituzte eta erreklamazioak egiteko epea otsailaren 17tik 19ra arte egongo da zabalik eta otsailaren 25ean behin-betiko zerrendak emango dituzte argitara. Onartutako haurrak martxoaren 1ean hasiko dira Haurreskolan.
http://www.dnsti.com/etakitto/index.php#berria822Urteroko moduan, Lagun Taldea Eibarko Atzeratuen Elkarteak musika eta antzerkia uztartzen dituen ikuskizuna prestatu du: "Y yo con estos pelos" izenburuko ikuskizuna ileapaindegi batean girotu dute eta Lagun Taldean diharduten neska-mutilekin batera, taldeko begiraleek hartuko dute parte. Ikuskizunak arrakasta handia izan ohi du urtero eta, horregatik, azken urteotan emankizun bi eskaintzen dihardute. Lehenengo emankizuna bihar (zapatua, hilak 23) izango da eta bigarrena hilaren 30ean. Egun bietan Hezkuntza Esparruko aretoan taularatuko dute, 17.30etatik aurrera. Emankizun bietarako sarrera guztiak honezgero salduta daude.http://www.dnsti.com/etakitto/index.php#berria821Barixakurako (hilak 22) “Cocidito Madrileño 2” antzezlanaren emanaldia antolatu du Amañako Jai Batzordeak Coliseoan, 22.15etarako, baina sarrera guztiak salduta daude eta oraindik ere jendea antzezlana ikustera joateko gogoz zegoela ikusita, bigarren emanaldi bat antolatu dute barixakurako, bestearen aurretik: 20.15etan hasiko da emanaldi hori eta sarrerak 20 eurotan erosi daitezke, besterako moduan, Kros Sport dendan, Manuel tabernan, Caserio tabernan eta Kili-Kili kroissanterian. Horrez gain, eguenean eta barixakuan 18.00etatik 20.15etara zabalduko dute Coliseoko lehiatila eta han ere salgai egongo dira antzezlanerako sarrerak.http://www.dnsti.com/etakitto/index.php#berria820Otsailaren 26an eta 27an izango dira Pirritx eta Porrotx pailazoak gurean, “Irriaren lagunak” euren azken ikuskizuna eskaintzen. Barixakuan 17.00etan eta 19.00etan izango dira saioak eta zapatuan, berriz, 16.00etan eta 18.30etan. Funtzio guztiak Hezkuntza Esparruko areto nagusian izango dira. Sarreren salmenta datorren astean hasiko da, …eta kitto! Euskara Elkarteko bazkideentzat: bazkideek martitzenetik aurrera izango dute sarrerak erosteko aukera, …eta kitto!-ren egoitzan bertan (Urkizu, 11 solairurartea), astegunetan 10.00etatik 14.00etara eta 16.00etatik 20.00etara. Bazkide bakoitzak gehien jota 3 sarrera erosteko aukera izango du (6 eurotan), hilaren 29ra arte. Behin bazkideentzat salmenta amaituta, hilaren 30ean bertan bazkide ez direnek ere izango dute sarrera erosteko aukera, 6’50 eurotan, honako salmenta puntuetan: El Tío Palancas (Juan Gisasola kalean), Geltoki (Toribio Etxebarria kalean) eta e&m argazki dendan (Urkizun).
http://www.dnsti.com/etakitto/index.php#berria819San Sebastian eguna gogoan, Usartza Txistulari Bandak urteroko martxari jarraituko dio eta, aurten ere, Danborradaren Kontzertua eskainiko du, Cielito Musika Bandaren eta Eibarko Danborradaren danborrek eta barrilek lagunduta. Domekan, urtarrilaren 17an izango da kontzertua, 12.30etan Coliseoan. Hamabost pieza eskainiko dira Jose Miguel Laskurainek zuzenduko duen kontzertu berezi honetan: “Debako Martxa”, “Diana Txikia”, “Diana”, “Eibarko Herria”, “Idiarena”, “Urnietako Ereserkia”, “Eibarko Martxa-Alperrak”, “Danborren Polka”, “Mutriku Herria”, “Retreta”, “Pantxika”, “Hau dek hau”, “Katiuska”, “Debako Martxa” eta “Tatiago”.
http://www.dnsti.com/etakitto/index.php#berria818Compañía Ñía taldearen eskutik “Chiqui y Chico” umeendako ikuskizuna taularatuko da bihar Coliseoan, 18.00etatik aurrera. Txikienentzat pentsatutako antzezlanaren ardatza musikak osatzen du eta sarrerak 4 euro balio du.
http://www.dnsti.com/etakitto/index.php#berria817Azaroaz geroztik udaletxeko laugarren solairuan martxan dagoen Udal Artxibo berria gaur goizean inauguratuko da, agintarien parte-hartzea izango duen ekitaldian. Datorren astean, berriz, hilaren 18an hasi eta 29ra bitartean herriko elkarte eta taldeek artxiboa zuzenean ezagutzeko aukera izango dute, horretarako prestatu dituzten bisita gidatuetan. Artxiboaren ezaugarriak zein bestelako kontu batzuk irakurtzeko, hemen klikatu.
http://www.dnsti.com/etakitto/index.php#berria816Abenduaren 30ean kaleratutako ...eta kitto! aldizkarian, azkenaurreko orrialdean, martxoan Eibarren eta Durangon "University of Cambridge"-k deituta egingo diren ingeles azterketen inguruko informazioan zuzendu beharreko akatsa egin zen: azterketen datak ondo egon arren, azterketen mailetako bat (C.A.E) birritan, errepikatuta agertzen da, C.P.E.-ak beharko lukeen tokian. Informazio zuzena hauxe da, beraz: F.C.E. azterketa martxoaren 6an (ahozkoa) eta 13an izango da; C.A.E. azterketa, ahozkoa zein idatzizkoa, egun bakarrean (martxoaren 6an) egingo da; eta C.P.E. azterketaren ahozko zein idatzizko probak ere martxoaren 6an izango dira.
Deialdi horretarako matrikula urtarrilaren 14rako egin beharko dute interesa dutenek. Informazio gehiagorako eta matrikula egiteko Eibarren Link Idiomas (943203959 telefonoa) edo Anglo-American (943206457 telefonoa) akademietako batera jo daitekehttp://www.dnsti.com/etakitto/index.php#berria16• Tarifak
0,01 euro KARAKTEREKA
0,07 euro BERBAKO
0,57 euro LERROKO

• Orrika 18 euro (orri baten sartzen dira 1800 karaktere edo letragune; 240 hitz; 30 lerro).
• Itzulpen teknikoetan %25 gehiago.
• Presazko itzulpenetan %40 gehiago (Presazkotzat jotzen dira orohar 24 orduren barruan egin beharreko itzulpen guztiak, edota eguneko 2500 hitz baino gehiagoko itzulpenak "hamar orri eguneko").
• Gutxieneko prezioa 18 euro + BEZ